Үйлчилгээний нөхцөл

Сүүлд шинэчлэгдсэн: 2026 оны 8-р сар

1. Ерөнхий заалт

Hashly.mn платформыг ашигласнаар та энэхүү үйлчилгээний нөхцөлийг хүлээн зөвшөөрч байна. Энэхүү нөхцөл нь Hashly.mn ("бид", "платформ") болон хэрэглэгч ("та") хоёрын хоорондын харилцааг зохицуулна.

2. Платформын зориулалт

Hashly.mn нь Монголын брэнд болон инфлюэнсэрүүдийг холбох маркетингийн платформ юм. Платформ нь дараах үйлчилгээг үзүүлнэ:

• Брэндүүдэд кампанит ажил үүсгэх, удирдах боломж
• Инфлюэнсэрүүдэд кампанит ажилд оролцох боломж
• Кампанит ажлын үр дүнг хэмжих, тайлагнах

3. Бүртгэл ба акаунт

• Та үнэн зөв мэдээлэл оруулж бүртгүүлэх үүрэгтэй
• Акаунтын нууц үгийн аюулгүй байдлыг та өөрөө хариуцна
• Нэг хүн нэгээс илүү акаунт үүсгэхийг хориглоно
• 18 нас хүрсэн хүн бүртгүүлж болно

4. Хэрэглэгчийн үүрэг хариуцлага

• Хуурамч мэдээлэл тараахыг хориглоно
• Бусад хэрэглэгчдийн эрхийг хүндэтгэх
• Платформыг хууль бус зорилгоор ашиглахыг хориглоно
• Спам, хортой контент байршуулахыг хориглоно

5. Брэнд ба инфлюэнсэрийн харилцаа

• Кампанит ажлын нөхцөл, хөлсний хэмжээг брэнд болон инфлюэнсэр хоёр өөрсдөө тохирно
• Контентын чанар, санаа, гүйцэтгэлийн хариуцлагыг талууд өөрсдөө хүлээнэ
• Платформаар дамжсан төлбөрийн хувьд 6-р зүйлд заасан дундын дансны журам үйлчилнэ
• Кампанит ажлын контент нь холбогдох хуулийг дагаж мөрдөх ёстой
• ₮1,000,000-өөс дээш хөлстэй ажилд платформ гэрээг автоматаар үүсгэж, хоёр тал цахимаар баталгаажуулна

6. Дундын данс (escrow)

Платформ нь талуудын хооронд итгэл үүсгэх зорилгоор кампанит ажлын төлбөрийг дундын дансанд түр хадгална. Журам дараах байдалтай:

• Брэнд инфлюэнсэрийн хүсэлтийг зөвшөөрөх үед хөлс болон шимтгэлийн нийт дүн брэндийн дансанд цоожлогдоно
• Цоожлогдсон мөнгийг брэнд ч, инфлюэнсэр ч дур мэдэн зарцуулах боломжгүй
• Инфлюэнсэр контентоо нийтэлсний дараа брэнд 7 хоногийн дотор шалгана
• Брэнд зөвшөөрсөн, эсвэл 7 хоног дуусахад хөлс инфлюэнсэрт автоматаар шилжинэ
• Хамтын ажиллагаа цуцлагдвал цоожилсон бүх дүн шимтгэлийн хамт брэндэд бүрэн буцна

7. Шимтгэл

Платформ нь дундын данс, маргаан шийдвэрлэх, хэмжилт, техникийн үйлчилгээг хангахын тулд шимтгэл авна. Шимтгэлийн хувь хэмжээ нь брэнд хүсэлтийг зөвшөөрөх мөчид тогтох бөгөөд дараа нь өөрчлөгдөхгүй.

7.1. Брэндээс авах шимтгэл

Брэнд нь инфлюэнсэртэй тохирсон хөлс дээр нэмж дараах шимтгэлийг төлнө:

Кампанит ажил үүсгэсний шимтгэл	5%
Платформ ашигласны шимтгэл	1%
Төлбөрийн гүйлгээний шимтгэл (QPay)	1%
Нийт	7%

7.2. Инфлюэнсэрээс авах шимтгэл

Инфлюэнсэрийн хөлснөөс платформ ашигласны 5% шимтгэл суутгагдаж, үлдсэн дүн нь түүний дансанд шилжинэ.

7.3. Жишээ тооцоо

Хөлс ₮1,000,000 гэж тохирсон бол:

• Брэндийн дансанд цоожлогдох дүн: ₮1,070,000
• Инфлюэнсэрийн гарт хүрэх дүн: ₮950,000
• Платформын шимтгэл: ₮120,000

Шимтгэлийн бүрэн задаргааг брэнд нь хүсэлтийг зөвшөөрөхөөс өмнө, инфлюэнсэр нь хүсэлт илгээхээс өмнө платформ дээр харах боломжтой.

8. VIP эрх

• Брэнд ₮1,000,000 төлж 30 хоногийн VIP эрх авна
• VIP хугацаанд кампанит ажил үүсгэсний 5% шимтгэлээс чөлөөлөгдөж, нийт 2% төлнө
• VIP брэндийн ажилд оролцсон инфлюэнсэрийн шимтгэл 5%-аас 3% болж буурна
• VIP хөнгөлөлт нь нэгэн зэрэг 8 хүртэлх идэвхтэй кампанит ажилд үйлчилнэ. Хязгаараас хэтэрсэн ажил энгийн тарифаар тооцогдоно
• Хамрах ажлыг үүсгэсэн дарааллаар тодорхойлох бөгөөд ажил дуусахад слот чөлөөлөгдөнө
• VIP эрхийн төлбөр буцаагдахгүй. Хугацаанаас өмнө дахин авбал шинэ хугацаа нь одоогийн эрхийн дараагаас эхэлнэ

9. Маргаан шийдвэрлэх

Контентын чанар, гүйцэтгэлийн талаар санал зөрсөн тохиолдолд аль ч тал маргаан үүсгэх эрхтэй. Маргаан үүссэн үед холбогдох мөнгө шийдвэр гартал дундын дансанд цоожтой хэвээр байна.

• Маргааныг зөвхөн дундын данс идэвхтэй (хөлс шилжээгүй) үед нээх боломжтой
• Нөгөө тал 3 хоногийн дотор тайлбар, нотолгоогоо нэмнэ
• Платформын админ хоёр талын нотолгоог үзэж эцсийн шийдвэр гаргана
• Шийдвэр нь: бүтнээр инфлюэнсэрт, бүтнээр брэндэд, эсвэл хэсэгчлэн хуваах гурван хэлбэртэй
• Хэсэгчлэн хуваасан тохиолдолд шимтгэл нь инфлюэнсэрт үнэхээр олгосон дүнгээс бодогдож, брэндийн төлсөн шимтгэлийн үлдсэн хэсэг нь брэндэд буцна
• Бүтнээр буцаах шийдвэр гарвал платформ шимтгэл авахгүй

10. Мөнгө татах

• Инфлюэнсэр дансны чөлөөт үлдэгдлээсээ таталтын хүсэлт үүсгэнэ
• Хүсэлт гаргасан дүн нь боловсруулагдах хүртэл цоожлогдоно
• Банкны данс, дансны эзний нэрийг үнэн зөв оруулах үүрэгтэй. Буруу мэдээллээс үүссэн саатлыг платформ хариуцахгүй
• Таталт цуцлагдвал дүн нь дансанд бүрэн буцна

11. Оюуны өмч

Hashly.mn платформ дахь бүх контент, дизайн, код нь Hashly.mn-н өмч юм. Та платформд байршуулсан өөрийн контентынхоо эрхийг хадгална.

12. Үйлчилгээ зогсоох

Бид дараах тохиолдолд акаунтыг цуцалж болно:

• Үйлчилгээний нөхцөл зөрчсөн тохиолдолд
• Хуурамч мэдээлэл оруулсан тохиолдолд
• Бусад хэрэглэгчдэд хор учруулсан тохиолдолд

13. Хариуцлагын хязгаарлалт

Hashly.mn нь платформ дахь техникийн алдаа, мэдээллийн алдагдал, түүнчлэн брэнд болон инфлюэнсэрийн хооронд тохирсон контентын чанар, гүйцэтгэлээс үүссэн хохиролд хариуцлага хүлээхгүй.

Энэ нь дундын дансанд байршуулсан мөнгөнд хамаарахгүй: платформаар дамжсан төлбөрийг 6-р зүйлд заасан журмын дагуу хадгалж, 9-р зүйлд заасан журмаар шийдвэрлэнэ.

14. Өөрчлөлт

Бид үйлчилгээний нөхцөл болон шимтгэлийн хэмжээг өөрчлөх эрхтэй. Өөрчлөлт орсон тохиолдолд бүртгэлтэй и-мэйл хаяг руу мэдэгдэл илгээнэ.

Шимтгэлийн өөрчлөлт нь аль хэдийн зөвшөөрөгдөж мөнгө цоожлогдсон ажилд хамаарахгүй — тэдгээр нь зөвшөөрсөн үеийн нөхцөлөөр дуусна.

15. Холбоо барих

Үйлчилгээний нөхцөлтэй холбоотой асуулт байвал:

hashlymn0@gmail.com